Raza Musani 
کراچی : سربراہ ایم ڈبلیو ایم علامہ راجہ ناصر عباس جعفری نے کہا ہے کہ خطہ میں امریکہ کا منصوبہ بھارت کو سپر پاور بنانا ہے۔ کراچی میں القدس کانفرنس سے خطاب میں علامہ راجہ ناصر عباس جعفری نے کہا کہ عمران خان کی حکومت مودی کے خاطر گرائی گئی۔ ملک کو کمزور کرنے کی تمام سازش کے پیچھے امریکا و اسراٰئیل ہیں۔ امریکا پاکستان کو اب افغانستان سے لڑانا چاہتا ہے۔ انہوں نے کہا کہ اسرائیل کے ساتھ معاہدے کرنے والے رسوا ہوئے مزاکرات کر کے اسرائیل کو روکا نہیں جاسکتا۔ خطہ میں امریکہ و اسرائیل کے خلاف کھڑا ہونا جہاد ہے ۔
مجلس وحدت مسلمین پاکستان کراچی ڈویژن کی جانب سے القدس کانفرنس اور سالانہ افطار کا انعقاد کیا گیا۔ جس میں مختلف سیاسی و مذہبی جماعتوں قائدین، علمائے کرام، سماجی تنظیموں سمیت اقلیتی برادری کے رہنماوں نے بڑی تعداد میں شرکت کی اور مختلف سیاسی و مذہبی جماعتوں قائدین، سماجی تنظیموں سمیت اقلیتی برادری کے رہنماوں نے خطاب کیا۔
