امریکا اور برطانیہ جلد ہی اپنے عمل پر پچھتائیں گے، انصار اللہ

صنعا: انصار اللہ یمن نے امریکی حملوں کو اس کی تاریخ کی سب سے بڑی حماقت قرار دیا اور کہا کہ حملہ کرنے والے اپنے عمل پر پچھتائیں گے۔ لندن اور واشنگٹن نے یمن میں جنگ چھیڑ کر غلطی کردی۔ سینئر اہلکار محمد البخیتی نے کہاکہ غزہ میں نسل کشی کے حامیوں اور مخالفوں کے درمیان جنگ جاری ہے۔ انہوں نے کہا کہ اس دنیا میں ہرفرد کے پاس دو آپشنز ہیں۔ نسل کشی کے متاثرین کے ساتھ کھڑا ہونا یا اس کے مجرموں کے ساتھ کھڑا ہونا۔ تیسرا کوئی آپشن نہیں ہے۔ انہوں نے کہا کہ دنیا اب ایک انوکھی جنگ کا مشاہدہ کر رہی ہے جس میں صحیح اور غلط کی حمایت کرنے والوں کو واضح طور پر پہچانا جا سکتا ہے۔ البخیتی نے کہا کہ ایک فریق کا ہدف غزہ میں نسل کشی کے جرائم کو روکنا ہے، جس کی نمائندگی یمن کر رہا ہے جبکہ دوسرے فریق کا ہدف اس کے مرتکب افراد کی حمایت اور تحفظ کرنا ہے۔ جن کی نمائندگی امریکا اور برطانیہ کر رہے ہیں.