امریکا کا اسرائیل کو حزب اللہ سے کشیدگی کم کرنے کا مشورہ

واشنگٹن : امریکا نے ایک بار پھر اسرائیل کو حزب اللہ سے جنگ نہ لڑنے کا مشورہ دیا ہے۔اسرائیلی وزیراعظم نیتن یاہو اور وزیردفاع گیلنٹ جنوبی لبنان پر حملے کا ارادہ رکھتے ہیں۔ امریکہ نے جنوبی لبنان پر حملے کے نتائج کو انتہائی خطرناک قرار دیا ہے۔ اس سلسلے میں امریکہ کے خصوصی ایلچی آموس آکسٹین نے اسرائیلی وزیراعظم کو بریفنگ دی ہے جس میں امریکی خفیہ ایجنسیوں کی جانب سے لبنان کی مزاحمتی تحریک حزب اللہ کی تیاریوں اور اس کی جنگی صلاحیت سے آگاہ کیا گیا ہے۔ امریکہ نے اسرائیلی وزیراعظم پر واضح کیا ہے کہ لبنان پر حملے کے سنگین نتائج اسرائیل پر پڑسکتے ہیں۔ مسلسل جنگوں سے اسرائیل چھوڑنے والے یہودیوں کی تعداد بھی بڑھ رہی ہے۔جس سے اسرائیل میں سرمایہ کاری پر بھی برے اثرات پڑ رہے ہیں۔