Raza Musani 
ممتاز عالم دین اور وفاق المدارس الشیعہ کے سربراہ علامہ حافظ ریاض حسین نجفی نے اسلام آباد میں سینیٹ میں اپوزیشن لیڈر اور ایم ڈبلیو ایم پاکستان کے سربراہ علامہ راجہ ناصر عباس جعفری سے ملاقات کی اور انہیں سینیٹ میں اپوزیشن لیڈر منتخب ہونے پر مبادکباد دی۔ علامہ ریاض حسین نجفی نے علامہ راجہ ناصر عباس جعفری کی قومی، دینی اور عوامی خدمات پر زبردست خراج تحسین پیش کیا۔ انہوں نے کہا کہ علامہ راجہ ناصر عباس جعفری کی جدوجہد ایوانِ بالا میں مظلوم اور محروم طبقات کی حقیقی ترجمانی ہے۔ علامہ ریاض نجفی نے کہا کہ ان کا کردار ملک میں اصولی سیاست کی روشن مثال ہے، سینیٹ میں ان کے مدلل اور مبنی بر سچ خطابات سینیٹ کی تاریخ میں نمایاں مقام رکھتے ہیں۔ علامہ راجہ ناصر عباس جعفری نے ممتاز عالم دین کی جانب سے ستائش پر ان کا دلی شکریہ ادا کیا۔
