یکم ربیع الاول کو مطالبات پورے ہونے تک گھر نہیں جائیں گے، علامہ راجہ ناصر عباس

اسلام آباد: چیئرمین مجلس وحدت مسلمین پاکستان علامہ راجہ ناصر عباس جعفری نے کہاہے کہ گلگت بلتستان کے اس وقت حالات انتہائی تشویشناک ہیں، وہاں کی عوام امن پسند ہے، وطن سے محبت کرتے ہیں، گلگت بلتستان میں ہمیشہ مشکلات رہی ہیں، انہیں آج تک حقوق نہیں دیئے گئے۔ انہوں نے کہا کہ سوچی سمجھی سازش کے تحت ماحول خراب کیا جا رہا ہے، ایسے حالات نہ پیدا کریں کہ جس کا فائدہ ہندوستان کو ہو، عوامی حکومت کو گرا کر کیا پیغام دینا چاہتے ہو کہ عوام کی رائے کی کوئی بھی وقعت نہیں ہے۔ انہوں نے فوجداری بل سے متعلق کہا کہ یہ ہمارے عقائد پر حملہ اور دشمنان اہلبیت کو مقدس بنانے کی سازش ہے۔ جسے کسی صورت قبول نہیں کیا جاسکتا. انہوں نے کہا کہ یکم ربیع الاول کو اسلام آباد میں تاریخی اجتماع ہے جس میں پورے جذبے کے ساتھ شریک ہوں گے اور مطالبات پورے ہونے تک گھر نہیں جائیں گے۔