علامہ راجہ ناصر عباس جعفری نے سینیٹ کےلیے کاغذات نامزدگی جمع کرادئے

راولپنڈی : چیئرمین مجلس وحدت مسلمین پاکستان علامہ راجا ناصر عباس جعفری نے سینیٹ کی جنرل نشست کے لیے کاغذات نامزدگی جمع کرادئے۔ علامہ راجہ ناصر عباس جعفری کو سنی اتحاد کونسل اور پاکستان تحریک انصاف کی حمایت حاصل ہے، اس سے قبل مجلس وحدت مسلمین کے انتخابی نشان خیمہ پر این اے 37 کرم سے انجنیئر حمید حسین ممبر قومی اسمبلی منتخب ہوچکے ہیں۔ کاغذات نامزدگی کی اسکروٹنی 19 مارچ تک مکمل کی جائے گی جبکہ 21 مارچ کو کاغذات نامزدگی منظور یا مسترد ہونے کے خلاف اپیلیں دائر کی جا سکیں گی اور 25 مارچ تک ٹربیونل کی جانب سے اپیلوں پر فیصلے کیے جائیں گے۔