ہائی کورٹ کے حکم کے باوجود، علامہ ناصر عباس کی بانی پی ٹی آئی سے ملاقات نہ کروائی گئی

راولپنڈی : سربراہ ایم ڈبلیو ایم علامہ راجہ ناصر عباس کو بانی پی ٹی آئی عمران خان سے ملاقات نہیں کرنے دی گئی۔
اڈیالہ جیل کے باہر میڈیا سے گفتگو میں علامہ راجہ ناصر عباس نے کہا کہ عمران خان سے ملاقات کے لیے جیل سپریٹینڈنٹ کو ملاقات کے لیے کہا جواب نہیں آیا۔ ہائی کورٹ نے آج ملاقات کا حکم دیا تھا۔ انہوں نے کہا کہ ہمارا آئینی حق ہے اور ہائی کورٹ کا حکم ہے ملاقات کرائی جائے، اس ملک میں قانون کی کوئی اہمیت نہیں رہی۔ ان کا مزید کہنا تھا کہ پنجاب میں پُرامن مظاہرین پر تشدد کیا گیا، یہ کیسی جمہوریت ہے، لوگوں کا ووٹ چھین کر حکومت بنائی گئی، پاکستانی ووٹ کے ذریعے تبدیلی لانا چاہتے ہیں، صرف دو خاندانوں نے ہم پر مسلط رہنا ہے۔