منظور مینگل کا مقدمہ ختم کیا تو احتجاج کریں گے، علامہ مقصود ڈومکی

لاہور: مجلس وحدت مسلمین کے رہنما علامہ مقصود ڈومکی نے ایک ویڈیو پیغام میں کہا ہے کہ بدزبان مولوی منظور مینگل نے اہل تشیع کے خلاف شرانگیز گفتگو کی جو قابل مذمت اور شرمناک ہے۔ کراچی میں ملزم کے خلاف توہین مذہب کی دفعات کے ساتھ مقدمہ درج کیا گیا۔ہم مطالبہ کرتے ہیں کہ ملزم کو فی الفور گرفتار کرکے کیفر کردار تک پہنچایا جائے۔ اذان شعار الہیٰ ہے اذان کی توہین ناقابل برداشت ہے، ہم مطالبہ کرتے ہیں کہ شرپسند اور گستاخ مولوی کو گرفتار کیا جائے تاکہ مسالک کے درمیان فرقہ واریت کی آگ کو نہ بھڑاکایا جاسکے۔ انہوں نے مزید کہا کہ کالعدم تنظیم کی طرف سے ایف آئی آر کو ختم کرنے کا مطالبہ کیا جارہا ہے قانون نافذ کرنے والے ادارے قانون کے مطابق ملزم کو گرفت میں لائیں اگر مقدمہ واپس لیا گیا تو ہم بھرپور احتجاج کریں گے۔ منظور مینگل اور کوئی بھی تکفیری ملک کے قانون سے بالاتر نہیں۔ قانون پر عمل کرتے ہوئے ملزم کو قانون کے کٹہرے میں لایا جائے ملت تشیع پاکستان ملزم کی گرفتاری تک صدائے احتجاج بلند کرتے رہیں گے۔