Raza Musani 
غزہ : حماس کے عسکری ونگ القسام بریگیڈز نے غزہ میں زیر حراست اسرائیلی یرغمالیوں کی نئی ویڈیو جاری کردی۔ ویڈیو میں دو یرغمالیوں میں سے ایک نے اسرائیلی بمباری کے دوران اپنے فرار اور نظر بندی کے دوران پیش آنے والے خراب حالات کے بارے میں بتایا۔ یرغمالی نے اپنی حکومت سے مطالبہ کیاکہ حکومت انہیں اپنے گھروں میں واپس لائے ۔ یرغمالیوں نے اس مقصد کو حاصل کرنے کے لیے اسرائیل پر دباؤ ڈالنے کی اپیل بھی کی۔ انہوں نے کہا کہ حماس کے مزاحمت کار ہمیں سرنگ کے باہر کھلی فضا میں سانس لینے کا موقع دینے کے لیے اپنی جان کو خطرے میں ڈالتے ہیں۔ یرغمالیوں نے کہا کہ جب مزاحمت کار ہمیں فضا میں سانس لینے کے لئے سرنگ سے باہر لے کر گئے تو اسی جگہ اسرائیلی فوج نے بمباری کردی۔ لیکن خدا کا فضل ہوا کہ ہم بچ گئے۔ اسرائیلی یرغمالیوں نے مزید کہا کہ یہ وہ جگہ ہے جہاں ہم غیر محفوظ ہیں ۔ یہاں کھانے اور پینے کی کوئی چیز نہیں ہے۔ ہمارے باہر آنے پر اسرائیلی فوج ہم پر بمباری کردیتی ہے۔
