Raza Musani 
غزہ : صیہونی فوج نے غزہ پر جاری تازہ فضائی اور زمینی حملوں میں خواتین اور بچوں سمیت تیس فلسطینی شہید کردئے۔ صیہونی فوج نے صبح سویرے خان یونس کے علاقے قطیبہ اور شیخ نصر میں دو مکانات کو فضائی حملے کا نشانہ بنایا۔ جس کے نتیجے میں خواتین اور بچوں سمیت اٹھارہ فلسطینی شہید اور کئی زخمی ہوگئے۔ رفح میں شدید گولہ باری سے پانچ فلسطینی شہید ہوئے۔ بیت لاہیہ میں کئے گئے فضائی حملے میں دو فلسطینیوں کی جان گئی۔
ادھر شجاعیہ حملے میں شہید فلسطینیوں کی تعداد انتالیس ہوگئی ہے جبکہ کئی افراد اب بھی ملبے تلے دبے ہوئے ہیں۔
