Raza Musani 
نیویارک : اقوام عالم نے 10 سال کے طویل مذاکرات کے بعد سمندروں کے تحفظ کا تاریخی معاہدہ کرلیا۔ ہائی سیز ٹریٹی کے تحت 2030 تک 30 فیصد سمندروں کو محفوظ علاقہ بنایا جائے گا جس کا مقصد سمندری فطرت کی حفاظت اور بحالی ہے۔ یہ معاہدہ نیویارک میں اقوام متحدہ کے ہیڈ کوارٹر میں 38 گھنٹے کی بات چیت کے بعد طے پایا۔ فنڈنگ اور ماہی گیری کے حقوق پر اختلافات کے باعث دس برس سے مذاکرات جاری تھے۔ سمندر کے تحفظ سے متعلق آخری بین الاقوامی معاہدے پر 1982 میں دستخط کیے گئے تھے۔ اس معاہدے سے بین الاقوامی پانیوں میں بلند سمندر یعنی ایسا علاقہ قائم ہوگیا ہے جہاں تمام ممالک کو مچھلی، جہاز بھیجنے اور تحقیق کرنے کا حق ہوگا۔ لیکن ان پانیوں میں صرف 1.2 فیصد محفوظ ہیں۔ ان محفوظ علاقوں سے باہر سمندری زندگی کو موسمیاتی تبدیلیوں، حد سے زیادہ ماہی گیری اور جہاز رانی کی وجہ سے خطرہ لاحق ہے۔
