حزب اللہ کی حربی صلاحیتوں کا اعتراف، شمال میں اسرائیلی فوج دفاعی پوزیشن پر ہے، اسرائیلی میڈیا

تل ابیب : اسرائیلی میڈیا نے حزب اللہ کی حربی صلاحیتوں کا اعتراف کرتے ہوئے اپنی بری افواج کی اہلیت پر سوال اُٹھا دیا۔ اسرائیلی میڈیا نے جنوبی لبنان کی سرحد پر جھڑپوں کا ذکر کرتے ہوئے کہا کہ اسرائیلی افواج کے پاس فلسطینی-لبنانی سرحدوں سے گزر کر وسیع پیمانے پر زمینی آپریشن کی صلاحیت نہیں ہے۔ میڈیا کے مطابق حزب اللہ والے جان گئے ہیں کہ فضائی حملوں سے کیسے نمٹا جائے۔ وقت کے ساتھ ساتھ ان کی حکمت عملی میں بہتری آئی ہے اور ان کے ٹینک شکن یونٹ کے آگے اسرائیلی ائیرفورس ناکام رہی۔ رپورٹ کے مطابق حزب اللہ کی حربی صلاحیتوں کا ثبوت یہ ہے کہ شمال مقبوضہ علاقوں میں راکٹ کے ریڈ الرٹ غزہ سے ملحقہ سرحد کے مقابلے میں کہیں زیادہ بڑھ گئے ہیں۔ شمال میں اسرائیلی فوج جارحانہ کے بجائے دفاعی پوزیشن پر آگئی ہے۔