Raza Musani 
سیہون : سیہون میں انڈس ہائی وے پر دو گاڑیاں ٹکرا گئیں، حادثے میں شہید علامہ حسن ترابی کے بیٹے سمیت پانچ افراد جاں بحق ہو گئے۔ حادثہ مانجھند کے قریب پیش آیا۔ حادثے کا شکار گاڑی سیہون سے حیدرآباد جا رہی تھی۔ ابتدائی تحقیقات کے مطابق حادثہ کار ڈرائیور کی جانب سے غلط سائیڈ پر کراسنگ کرنے کے باعث پیش آیا۔ جاں بحق افراد میں علامہ حسن ترابی کے صاحبزادے زین ترابی، معروف منقبت خواں خواجہ علی کاظم اور سید علی جان رضوی شامل ہیں۔
شیعہ علماء کونسل پاکستان سندھ کے صوبائی صدر علامہ سید اسد اقبال زیدی کی ہدایت پر ڈویژنل سیکریٹری حیدرآباد علی محمد شاکر جائے وقوعہ پر پہنچ کر ابتدائی امدادی کارروائیوں میں مصروف ہیں اور دکھ کے ان لمحات میں لواحقین سے اظہارِ تعزیت کرتے ہیں اور غم میں برابر کے شریک ہیں۔
فرزند شہید علامہ حسن ترابی برادر زین ترابی و نوحہ خواں خواجہ علی کاظم ( خواجہ ندیم ) و سید جان علی رضوی کا جسد خاکی انچولی امام بارگاہ کراچی منتقل کیا گیا۔ نماز جنازہ نماز مغربین عباس ٹاؤن جامع مسجد مصطفیٰ میں ادا کی گئی اور تدفین وادی حسین قبرستان میں ہوئی۔ جس میں مومنین کی کثیر تعداد نے شرکت کی۔
