Raza Musani 
غزہ : صیہونی حکومت نے غزہ میں بسے فلسطینیوں کے لیے سمندر تک رسائی بھی بند کردی۔ صیہونی فوج نے فلسطینیوں کا غزہ کے ساحل پر جانا، نہانا اور بیٹھنا موت کو دعوت دینے کے مترادف قرار دیا ہے۔ صیہونی فوج نے ماہی گیروں، تیراکوں اور غوطہ خوروں سے کہا ہے کہ وہ سمندر میں داخل ہونے سے گریز کریں۔
بھوک و افلاس کے شکار فلسطینیوں پر خوراک کا آخری سمندری ذریعہ بھی بند کردیا گیا ہے۔ ماہی گیری پر پابندی کی وجہ سے ہزاروں فلسطینی واحد روزگار سے بھی محروم ہوگئے ہیں۔ اسرائیلی فوج نے 2007 سے غزہ کی بحری ناکہ بندی برقرار رکھی ہوئی ہے، جو علاقائی پانیوں کو کنٹرول کرنے اور سمندری سرگرمیوں کی نگرانی کر رہی ہے۔
