اسرائیلی جارحیت میں تیزی، ہسپتال اور اسکولوں پر بمباری، 24 گھنٹے میں 266 فلسطینی شہید

غزہ : فلسطینیوں کےخلاف اسرائیلی جارحیت میں تیزی آگئی۔ اسرائیلی ٹینکوں نے غزہ کے چار اسپتالوں کو چاروں سمت سے گھیر لیا۔ چوبیس گھنٹے میں 266 افراد بمباری کا شکار ہوئے ۔
اسرائیلی ٹینکوں نے غزہ کے چار اسپتالوں کو چاروں سمت سے گھیر لیا۔ النصر اسپتال، گورنمنٹ آئیز اسپتال کے گرد فوجی دستے تعینات کردئے گئے۔ مینٹل ہیلتھ اسپتال اور الرنتیسی اسپتال میں بھی ہزاروں مریض ،طبی عملہ محصور ہوگیا۔ پناہ لینے والے بے گھر افراد کو خوراک اور پانی کی فراہمی بند ہوگئی۔ پچھلے چوبیس گھنٹے میں دو سو چھیاسٹھ افراد بمباری کاشکارہوگئے ۔ پندرہ سو بچوں سمیت دو ہزار ستائیس سے زائد افراد تاحال ملبے تلے دبے ہیں۔ اسرائیلی فورسز نے البریج اور البراق اسکول پر بھی نشانہ بنایا۔ اسکول پرحملے میں حماس سربراہ اسماعیل ہانیہ کی پوتی بھی شہیدہوئی۔ صبح سویرے الشفا اسپتال کے اطراف بھی بارود برسادیاگیا۔ وزارت صحت کے مطابق اسپتال پر دو روز میں پانچ بار بمباری کی گئی ۔ اب تک مختلف طبی مراکز پر 270 سے زائد حملے کیے جاچکے ہیں۔
36 روز میں شہادتوں کی تعداد گیارہ ہزار اٹھہتر تک جاپہنچی ۔