غزہ میں عارضی بندرگاہ امریکا کا مشکوک منصوبہ ہے، پاپولر فرنٹ

رام اللہ : پاپولر فرنٹ فار دی لبریشن آف فلسطین نے ایک بیان میں امداد کی منتقلی کے لیے غزہ کے ساحل پر ایک عارضی بندرگاہ کی تعمیر کے امریکی منصوبے سے خبردار کیا ہے اور اس بات پر زور دیا کہ یہ مشکوک کارروائی بدنیتی پر مبنی اہداف کے نفاذ کی راہ ہموار کرتی ہے۔ بیان میں کہا گیا ہے کہ یہ منصوبہ بدنیتی پر مبنی مقصد کو حاصل کرنے کے لیے انسانی مقاصد کی آڑ میں ہجرت پر مجبور کیا جا سکتا ہے۔ بائیڈن انتظامیہ نے جنگ روکنے یا امدادی قافلوں کے غزہ کی پٹی میں داخلے کو آسان بنانے کے لیے قابضین پر کوئی حقیقی دباؤ نہ ڈالتے ہوئے عارضی بندرگاہ کی تعمیر کا حکم دیا۔ اس منصوبے کے لیے امریکہ کا اصل محرک کیا ہے جب وہ زیادہ موثر طریقوں سے اور زبردستی کراسنگ کھول کر امداد فراہم کر سکتا ہے؟ پاپولر فرنٹ نے کہا کہ تحریک مزاحمت کی آنکھیں بیدار اور چوکنا رہیں گی اور امریکہ کے مشکوک اقدامات اور فلسطینیوں کو ہجرت پر مجبور کرنے والے کسی بھی اقدام کا مقابلہ کریں گی۔ خطے میں امریکہ کی موجودگی مزاحمت کا ایک جائز ہدف ہو گا۔