Raza Musani 
واشنگٹن: امریکہ نے مشرق وسطیٰ میں ایران اور مزاحمتی گروپوں سے نمٹنے کیلئے اسکورپین اسٹرائیک کے نام سے نئی ٹاسک فورس قائم کردی۔
امریکی محکمہ جنگ کی ہدایت کے چار ماہ بعد قائم ہونے والی اس فورس نے کم لاگت جنگی ڈرونز کا ایک اسکواڈرن تیار کر لیا ہے جو طویل رینج اور خودکار پرواز کی صلاحیت رکھتے ہیں۔ یہ ڈرون کیٹاپلٹ، راکٹ اسسٹڈ ٹیک آف اور زمینی یا موبائل پلیٹ فارمز سے لانچ کیے جا سکتے ہیں۔
سینٹ کام کے کمانڈر ایڈمرل بریڈ کوپر کے مطابق یہ اقدام امریکی جدت اور طاقت کو ظاہر کرتا ہے یہ اقدام مشرق وسطیٰ میں شرپسند عناصر کو روکے گا۔ اس نئے ڈرون پروگرام کی عملی قیادت اسپیشل آپریشنز کمانڈ سینٹرل کے ماہرین کر رہے ہیں اور یہ منصوبہ جدید جنگی صلاحیتوں کے ترجیحی شعبے کا اہم حصہ ہے۔
