Raza Musani 
دہلی : جمیعت العلمائے ہند ارشد گروپ کے سربراہ مولانا ارشد مدنی نے کہا کہ آج ایک مسلمان نیویارک اور لندن کا میئر بن سکتا ہے، لیکن انڈیا میں یونیورسٹی کا وائس چانسلر بھی نہیں بن سکتا۔مفتی کفایت اللہ دہلوی کی زندگی پر سیمینار سے خطاب میں مولانا ارشد مدنی نے کہا کہ انڈیا میں موجودہ حالات میں مسلمان کا وائس چانسلر بننا بھی تقریباً ناممکن بنا دیا گیا ہے۔ اگر کوئی ایسا کرتا ہے تو اسے سماج وادی پارٹی کے رہنما اعظم خان کی طرح جیل کا سامنا کرنا پڑتا ہے۔
مولانا ارشد مدنی نے کہا کہ موجودہ نظام مسلمانوں کو ترقی نہیں کرنے دیتا۔ الفلاح یونیورسٹی کا مالک جیل میں ہے ۔ کوئی نہیں جانتا کہ وہ کب تک وہاں رہے گا، یہ کیسا انصاف کا نظام ہے جو کیس مکمل ثابت نہ ہونے پر بھی کسی کو جیل میں رکھتا ہےـ انہوں نے مزید کہا کہ آزادی کے پچھتر سال بعد بھی مسلمانوں کو تعلیم، قیادت اور انتظامی ڈھانچے میں آگے بڑھنے سے روکا جا رہا ہے۔ حکومتیں چاہتی ہیں کہ مسلمان سر نہ اٹھاسکیں۔
