بحیرہ احمر میں ایک اور آئل ٹینکر پر میزائل حملہ، آگ بھڑک اٹھی

صنعا: یمنی فوج نے بحیرہ احمر میں ایک اور جہاز کو میزائلوں کا نشانہ بنادیا ۔یمن سے داغے گئے میزائل لگنے سے جہاز میں آگ بھڑک اٹھی جسے بجھا دیا تاہم کوئی جانی نقصان نہیں ہوا۔ جہاز پر پانامہ کا جھنڈا لگا ہوا تھا جبکہ امریکی سینٹرل کمانڈ کا دعویٰ ہے کہ پاناما کا پرچم بردار یہ آئل ٹینکر چین کی ملکیت ہے۔ سینٹ کام نے کہا ہے کہ امریکی فوج نے بحیرہ احمر میں یمن سے بھیجے گئے چھ ڈرون مار گرائے ہیں۔ پانچ ڈرونز بحیرہ احمر میں گر کر تباہ ہوئے جبکہ ایک یمن میں حوثیوں کے زیر کنٹرول علاقے میں گرا۔