غزہ کی مکمل ناکہ بندی پانی، بجلی منقطع، خوراک، ایندھن لے جانے پر بھی پابندی

مقبوضہ بیت المقدس: صیہونی حکومت نے غزہ کی مکمل ناکہ بندی کا اعلان کردیا۔ خوراک اور ایندھن سمیت کوئی بھی چیز غزہ لے جانے پر پابندی ہوگی۔ اسرائیلی وزیر دفاع یوو گیلنٹ نےکہا ہےکہ غزہ کی بجلی اور پانی کی سپلائی کاٹ دی گئی ہے حکام خوراک اور ایندھن کا داخلہ بند کر دیں گے۔ غزہ پہلے ہی 2007 سے فضائی، زمینی اور سمندری ناکہ بندی کی زد میں ہے۔ 23 لاکھ باشندوں کو پانی اور بجلی کی قلت کے ساتھ ساتھ ادویات کی کمی کا سامنا ہے۔
دوسری جانب آسٹریا اور جرمنی نے فلسطینیوں کی امداد روک دی ہے۔