ایشیا میں صورتحال کو غیر مستحکم کیا جا رہا ہے، روسی وزیر خارجہ

ماسکو : روسی وزیر خارجہ سرگئی لاوروف نے کہا ہے کہ ایشیا میں صورتحال کو غیرمستحکم کیا جا رہا ہے، روسی وزیر خارجہ نے ایشیائی ممالک میں باہمی تعامل اور اعتماد سازی سے متعلق کانفرنس کے موقع پر سفارت کاروں کے اجلاس سے خطاب میں کہا کہ ماسکو ایشیا میں فوجی اور سیاسی بحران کے ذریعے جغرافیائی سیاسی صورتحال کو غیر مستحکم کرنے کی کوششوں کو دیکھ رہا ہے جو خطے میں بین القوامی تعامل کو روک رہا ہے۔ بدقسمتی سے خطے میں جغرافیائی سیاسی صورتحال بہتر نہیں ہورہی بلکہ یہ جامع کثیرالجہتی تعاون اور انضمام کی طرف منتقلی کو روک رہی ہے۔ روسی سفارت کار کے مطابق ہم ایشیا میں صورتحال کو خراب کرنے اور عدم استحکام بڑھانے کی دانستہ کوششیں دیکھ رہے ہیں. لاروف کے مطابق کچھ عسکری بلاک جو سرد جنگ کی منطق اور روک تھام کی پالیسی پر قائم ہیں، ایشیا کے حالات کو غیر مستحکم کرنے میں معاون ہیں۔