مالی میں دھماکے سے اقوم متحدہ امن مشن کا رکن ہلاک

مغربی افریقی ملک مالی میں دھماکے سے اقومِ متحدہ (یو این) امن مشن کا ایک رکن ہلاک ہو گیا، واقعے میں 4 افراد زخمی بھی ہوئے ہیں۔ اقوامِ متحدہ کے مطابق دھماکا مالی کے شمالی علاقے میں الجیریا کی سرحد کے قریب ہوا ہے۔ دھماکے کے نتیجے میں یو این مشن کا رکن ہلاک جبکہ 4 افراد شدید زخمی ہو گئے۔ مالی میں اقوامِ متحدہ امن مشن کے نمائندے کا واقعے کی مذمت کرتے ہوئے کہنا ہے کہ یہ ایک بزدلانہ حملہ ہے۔ ان کا یہ بھی کہنا ہے کہ حملہ امن مشن کے اس عزم کو تقویت دیتا ہے کہ وہ مالی میں رہنے والے لوگوں کی امن اور استحکام کی جدوجہد میں مزید مدد کریں۔