Raza Musani 
جنیوا : اقوام متحدہ کی ایجنسی انروا نے خبردار کیا ہے کہ غزہ کی نوے فیصد آبادی مختلف درجوں کی غذائی قلت کا شکار ہے۔ انروا کے ترجمان عدنان ابو حسنہ نے پریس بریفنگ میں بتایا کہ اسرائیلی حکام سینکڑوں اقسام کی امدادی اشیاء کو غزہ پہنچنے سے روک رہے ہیں اور شمالی غزہ کے زکیم کراسنگ سے اب تک کوئی امداد داخل نہیں ہو سکی۔ انہوں نے خبردار کیا کہ موسم سرما کے آغاز کے ساتھ غزہ ایک بڑے انسانی المیے کے دہانے پر ہے کیونکہ عارضی خیمے تباہ حالی کا شکار ہیں اور ہزاروں بے گھر خاندان شدید مشکلات میں ہیں۔
اس سے قبل جنگ اور آفت زدہ علاقوں میں طبی امداد پہنچانے والی بین الاقوامی تنظیم ڈاکٹرزود آؤٹ بارڈرز ایم ایس ایف نے بھی جنگ بندی کے باوجود غزہ میں انسانی صورتِ حال نہایت سنگین قرار دی تھی۔
