Raza Musani 
غزہ: غزہ میں صیہونی فوج نے فضائی اور زمینی حملوں میں چوبیس گھنٹوں کے دوران خواتین اور بچوں سمیت باہتر فلسطینی شہید کردئے۔ صیہونی جنگی طیاروں نے رات بھر غزہ میں فضائی اور زمینی حملے جاری رکھے۔ ڈرونز نے خیمہ بستوں اور رہائشی مقامات کو نشانہ بنایا۔ صیہونی حملوں میں خان یونس میں دس- بیت حنون میں چار۔ غزہ سٹی کے مختلف مقامات پر بائیس، جبالیہ میں پانچ اور رفح میں تین فلسطینی جان سے گئے۔
دیر البلاح پر حملے میں بھی کئی اموات ہوئیں ۔صیہونی حملوں میں شہدا کی مجموعی تعداد اکاون ہزار ایک سو سے تجاوز ہوگئی۔
ادھر اقوام متحدہ کے ورلڈ فوڈ پروگرام نے ہنگامی الرٹ جاری کردیا۔ فوری انتباہ میں خبردار کیا گیا ہے کہ غزہ کو فوری خوراک کی ضرورت ہے کیونکہ لاکھوں افراد بھوک کے خطرے سے دوچار ہیں۔
