Raza Musani 
غزہ: صیہونی فوج نے غزہ میں وحشیانہ کارروائیاں جاری رکھتے ہوئے چوبیس گھنٹوں کے دوران امداد کے منتظر انیس افراد سمیت مزید باسٹھ فلسطینی شہید اور درجنوں زخمی کردئے۔ جبکہ قحط کی وجہ سے مزید تین افراد چل بسے۔
صیہونی فوج نے صبح سویرے غزہ سٹی میں دو مکانات کو فضائی حملے کا نشانہ بنایا جس کے نتیجے میں سات فلسطینی شہید اور کئی زخمی ہوگئے۔ نصیرات کے مضافات میں کئے گئے حملے میں بھی چارافراد کی جان گئی۔ جنگی طیاروں نے جبالیہ۔ المواصی اور خان یونس پر بھی مختلف مقامات پر بمباری کی جس سے کئی قیمتی جانیں ضائع ہوئیں۔
رفح میں امدادی مرکز کے قریب اور اس کی طرف جانیوالوں کو صیہونی فوج نے اپنی گولیوں کا نشانہ بنایا۔ کئی زخمی اور لاشیں زمین پر بکھر گئیں۔
ادھر غذائی قلت سے اموات مسلسل بڑھ رہی ہیں۔ دو بچوں سمیت تین افراد کی موت سے قحط سے مرنیوالوں کی تعداد ایک سو پندرہ ہوگئی ہے۔
