جارحیت کے 6 ماہ، مزید 46 فلسطینی شہید، 14 فوجی ہلاک، شہادتیں 33 ہزار سے تجاوز

غزہ: اسرائیل کے غزہ پر وحشیانہ حملوں کو چھ ماہ مکمل ہوگئے۔ تازہ حملوں میں مزید 46 فلسطینی شہید اور درجنوں زخمی ہوگئے۔ صیہونی فوج نے خان یونس۔ غزہ سٹی اور رفح سمیت مختلف مقامات پر فضائی حملے کئے اور ڈرونز سے عمارتوں کو نشانہ بنایا۔ جس کے نتیجے فلسطینی شہید اور زخمی ہوئے۔ ادھر خان یونس میں القسام بریگیڈ نے صیہونی فوج کو کاری ضرب لگائی ہے۔ القسام بریگیڈ نے کہاہےکہ مجاہدین نے 2 مقامات پر مہلک حملے کیے جس میں چودہ صیہونی فوجی ہلاک اور کئی زخمی ہوگئے۔ جبکہ تین ٹینک بھی تباہ کردئے گئے۔ فلسطینی وزارت صحت نے کہا ہےکہ چھ ماہ سے جاری جارحیت میں فلسطینی شہدا کی تعداد 33 ہزار 137 ہوگئی ہے جبکہ 75 ہزار 815 زخمی ہوئے۔ شہدا میں تیرا ہزار بچے شامل ہیں۔ مقبوضہ کنارے میں بھی چار سو چھپن فلسطینی شہید ہوئے۔ چھ ماہ میں سترہ لاکھ افراد بے گھر۔ ساٹھ فیصد مکانات۔ نوے فیصد اسکول وکالجز۔ چھبیس اسپتال۔ تین سو ستائیس مساجد اور تین چرچ تباہ ہوئے۔