نوری آباد کے قریب بس اور ٹریلر میں تصادم، 5 عزادار جاں بحق، 20 سے زائد زخمی

کراچی: بس کراچی کے علاقے انچولی سے چہلم امام حسینؑ میں شرکت کےلیے عزاداروں کو خیرپور لے کر جارہی تھی ، جاں بحق ہونے والے عزاداروں کا تعلق انچولی سوسائٹی فیڈرل بی ایریا سے ہے جبکہ بس میں جعفرطیار سوسائٹی اور دیگر علاقوں سے تعلق رکھنے والے عزادار بھی موجود تھے۔ زخمیوں میں سے 10عزاداروں کی حالت انتہائی تشویشناک بتائی جارہی ھے مزید عزاداروں کے جاں بحق ہونے کا خدشہ ہے، بس میں خواتین اور بچے بھی موجود تھے جو چہلم کے جلوس میں شرکت کےلیے خیرپور جارہے تھے۔
خیرپور جانے والی بس نوری آباد کے مقام پر ٹریلر سے ٹکرائی ، بس کا اگلہ حصّہ مکمل طور پر تباہ ہوگیا جبکہ حادثے میں پوری بس ہی تباہ ہوگئی ہے۔ حادثے میں شہید و زخمی ہونے والے زائرین کو کورٹری اسپتال میں منتقل کردیا گیا ہے۔