Raza Musani 
برسلز :پانچ یورپی ممالک نے غزہ کی صورتحال پر غور کرنے کے لیے سلامتی کونسل کا اجلاس بلانے کا مطالبہ کردیا۔
برطانیہ، فرانس، یونان، ڈنمارک اور سلووینیا نے ایک مشترکہ درخواست میں اسرائیل کی جانب سے غزہ میں امدادی خوراک کی ترسیل روکنے پر تشویش کا اظہار کیا ہے۔ برطانوی مندوب باربرا ووڈورڈ نے اس حوالے سے کہا ہے کہ ورلڈ فوڈ پروگرام کے پاس اب غزہ کے عوام کے لیے خوراک باقی نہیں رہی۔ عام شہری، خصوصاً بچے، قحط کے سنگین خطرے سے دوچار ہیں۔
انہوں نے مزید کہا کہ دو ماہ سے زائد عرصہ ہوچکا ہے کہ اسرائیل غزہ میں انسانی امداد کے داخلے کی اجازت نہیں دے رہا۔ ان حالات میں اقوام متحدہ کی سلامتی کونسل کا اجلاس بلانا ضروری ہے تاکہ غزہ کو درپیش بحران کا حل نکالا جاسکے۔
