Raza Musani 
غزہ : غزہ میں اسرائیل کے ڈرون حملے اور گولہ باری سے مزید چار فلسطینی شہید اور سات زخمی ہوگئے. مغربی کنارے میں بھی ایک اور فلسطینی کو شہید کردیا۔
غزہ سٹی میں کئی رہائشی عمارتوں کو بارود سے اڑادیا گیا۔مشرقی خان یونس کے علاقے بنی سہیلہ میں ایک گھر کے قریب اسرائیلی فضائی حملے میں دو نوجوان شہید کئےگئے۔ شجاعیہ میں ایک فلسطینی ڈرون حملے کا نشانہ بنا جبکہ غزہ شہر کے مشرقی محلے التفاح میں اسرائیلی اسنائپروں نے نوجوان کو شہید کردیا۔ التفاح کے علاقے الشعف میں قابض اسرائیلی توپ خانے کی گولہ باری سے ایک اور شہری زخمی ہوگیا۔
اسرائیلی فوج جنوبی غزہ میں گولہ باری جاری رکھے ہوئے ہے۔ رفح پر بھی قابض اسرائیلی طیاروں نے کئی حملے کیے اور ہیلی کاپٹروں سے مسلسل فائرنگ کی گئی۔ غزہ شہر کے مشرقی حصے میں قابض اسرائیلی فورسز نے مکمل طور پر تباہ کر ڈالا۔
