طویل عرصے سے لاپتہ 4 شہری گھروں کو پہنچ گئے

کراچی: پولیس کی جانب سے 4 لاپتہ افراد کی گھر واپسی سے متعلق سندھ ہائیکورٹ کو آگاہ کر دیا گیا ہے کہ طویل عرصے سے لاپتہ 4 شہری بازیاب ہو کر گھر پہنچ گئے ہیں۔ تفصیلات کے مطابق سندھ ہائیکورٹ میں لاپتہ افراد بازیابی کیس سے متعلق درخواستوں پر سماعت ہوئی۔ عدالت نے 4 شہریوں قمبر عباس، بلال، رضوان چاندنہ اور ساجد علی کی بازیابی سے متعلق درخواستیں نمٹا دیں۔ بعد ازاں عدالت نے دیگر لاپتہ شہریوں کی بازیابی کیلئے فوری اقدامات کا حکم دیتے ہوئے آئی جی سندھ اور محکمہ داخلہ کو 4 ہفتوں میں رپورٹ پیش کرنے کی ہدایت جاری کی۔