Raza Musani 
غزہ : صیہونی فوج کے غزہ پر جاری حملوں میں چوبیس گھنٹوں کے دوران خواتین اور بچوں سمیت سینتیس فلسطینی شہید اور کئی زخمی ہوگئے۔ صیہونی فوج نے زیتون میں ورکشاپ اور جبالیہ میں رہائشی عمارت پر بمباری کی۔ خان یونس اور غزہ سٹی میں خیمہ بستی کو نشانہ بنایا گیا۔ اسرائیلی حملوں میں زیادہ تر خواتین اور بچے نشانہ بنے۔ شہدا کی مجموعی تعداد اکاون ہزار تک جاپہنچی ہے۔
ادھر صیہونی فوج نے شمالی غزہ میں مزید علاقوں سے انخلا کا حکم دے دیا ہے۔ جنگ بندی کے خاتمے کے بعد شروع کئے گئے حملوں کے نتیجے میں اب تک چار لاکھ فلسطینی نقل مکانی کرچکے ہیں۔ دوسری جانب گذشتہ روز الاہلی اسپتال پر حملے کے بعد وہ مکمل طور پر غیر فعال ہوگیاہے۔
