Raza Musani 
جنیوا: اقوام متحدہ کے بچوں کے فنڈ یونیسیف نےکہا ہےکہ جنگ بندی کے خاتمے کے بعد دس دنوں کے اندر غزہ میں تین سو بائیس بچے شہید اور چھ سو نو زخمی ہوچکے ہیں۔ یونیسیف کی ایگزیکٹیو ڈائریکٹر کیتھرین رسل نے کہا کہ غزہ میں جنگ بندی نے بچوں کو اشد ضروری لائف لائن فراہم کی اور بحالی کی امید جگائی لیکن بچوں کو پھر سے مہلک تشدد اور محرومی کے چکر میں ڈال دیا گیا ہے۔ تمام فریقوں کو بچوں کی حفاظت کے لیے بین الاقوامی انسانی قانون کے تحت اپنی ذمہ داریوں پر عمل کرنا چاہیے۔
انہوں نے کہا کہ اسرائیلی بمباری کے دوبارہ شروع ہونے کے ساتھ ساتھ دو مارچ سے امداد کی مکمل بندش نے غزہ کے شہریوں اور خاص طور پر دس لاکھ بچوں کو شدید خطرے میں ڈال دیا ہے۔
