Raza Musani 
جنیوا: فلسطینی پناہ گزینوں کے لیے اقوام متحدہ کی ایجنسی انروا نے کہا ہے کہ اس کے پاس امدادی سامان سے لدے تین ہزار ٹرک غزہ میں داخلے کے منتظر ہیں لیکن اسرائیل انسانی امداد کو انکلیو تک پہنچنے سے روک رہا ہے۔ انروا نے اپنی رپورٹ میں کہاہے کہ اس کے پاس غزہ میں فلسطینیوں کو کھانا کھلانے کے لیے آٹا ختم ہو گیا ہے، اور دیگر اہم انسانی امداد تیزی سے ختم ہو رہی ہے۔ خوراک کے پارسل جو ایجنسی خاندانوں کو بھوک مٹانے کے لیے فراہم کرتی ہے وہ ختم ہونے کے قریب ہیں۔ انروا کے مطابق اس نے غزہ کی پٹی میں 115 پناہ گاہیں چلانا جاری رکھی ہوئی ہیں۔ جہاں 90,000 جبری طور پر بے گھر ہونے والے لوگ مقیم ہیں۔ انروا کے مطابق 742 فلسطینی انروا کی تنصیبات پر پناہ لینے کے دوران اسرائیلی حملوں میں شہید اور 2,400 سے زیادہ زخمی ہوئے۔
