Raza Musani 
سری نگر: مقبوضہ کشمیر میں قابض بھارتی فوج کی فائرنگ سے 3 کشمیری نوجوان شہید ہوگئے۔کشمیر میڈیا کے مطابق بھارتی فورسز نے ریاستی دہشتگردی کا مظاہرہ کرتے ہوئے شوپیاں میں فائرنگ کر کے 3نوجوانوں کوشہید کردیا۔ نوجوانوں کونام نہاد سیکیورٹی آپریشن کی آڑ میں شہید کیا گیا۔ قابض فوج نے علاقے کو محاصرے میں لے کر گھر گھر تلاشی لی اورمتعدد نوجوانوں کوگرفتارکرلیا۔بھارتی فوج کے نام نہاد آپریشن سے پہلے شوپیاں اورقریبی علاقوں میں انٹرنیٹ اورموبائل سروس بند کردی گئی تھی۔ شوپیاں اورنواحی علاقوں کا محاصرہ کئی گھنٹے جاری رہا۔ بھارتی فوج نے گزشتہ ماہ 20 نہتے کشمیری نوجوانوں کوشہید کیا تھا۔
