Raza Musani 
غزہ: غزہ میں جنگ بندی معاہدے کے تحت تین اسرائیلی یرغمالیوں اور ایک سو تراسی فلسطینیوں کو رہا کر دیا گیا۔ حماس نے ایک یرغمالی کو دیر البلاح اور دو کو خان یونس میں ہلال احمر کے عملے کے حوالے کیا۔ اس موقع پر القسام بریگیڈ اور القدس بریگیڈ کے سینکڑوں نقاب پوش مجاہدین نے پورے علاقے کو گھیرے میں لے رکھا تھا۔
ادھر اسرائیلی جیلوں سے رہا کئے گئے فلسطینی مغربی کنارے پہنچے تو خوشی اور جذباتی مناظر دیکھے گئے۔ ان میں اٹھارہ عمر قید اور اٹھاون طویل سزا کے قیدی شامل ہیں۔ ایک سو گیارہ وہ قیدی ہیں جنہیں سات اکتوبر حملے کے بعد غزہ سے گرفتار کیا گیاتھا۔
اُدھر حماس نے اسرائیل کو آگاہ کیا ہے کہ وہ اسرائیلی یرغمالیوں کی باقیات بھی اسرائیل کے حوالے نہیں کرسکتا کیونکہ اسرائیل غزہ میں ہیوی مشینری لانے نہیں دے رہا اس لیے وہ ان باقیات کو ملبے سے نکالنے سے قاصر ہیں۔
