Raza Musani 
غزہ: حماس کے القسام بریگیڈز کے ترجمان ابو عبیدہ نے کہا کہ مزاحمت کار اب تک 22 اسرائیلی فوجی گاڑیوں کو تباہ کرنے میں کامیاب ہو چکے ہیں۔ انہوں نے کہاکہ دشمن نے اپنی زمینی چالیں شروع کیں اور بیت لاہیا اور غزہ شہر کے شمال مغرب میں جبکہ بیت حنون سرحدی کراسنگ کے آس پاس سمیت کئی مقامات تک پیش قدمی کی ہے۔ مزاحمت کاروں نے ان تمام مقامات پر دشمن کے حملے روکنے اور دفاع کا کام کیا ۔ دشمن کی پیش قدمی کے باوجود ہم ان کی پوزیشن پر قبضہ کرنے میں کامیاب رہے ہیں۔ابوعیبدہ نےکہاکہ ہم نےاینٹی آرمر اور کم فاصلے تک مار کرنے والے میزائل بھی استعمال کیے ہیں۔ انہوں نے کہا کہ ہمارا دفاعی آپریشن جاری ہے اور ابھی اپنے ابتدائی مرحلے میں ہے۔ غزہ دشمن کا مدفن بنے گا۔
