Raza Musani 
ریاض : سعودی عرب نے ایران کے دو فوجی اتاشیوں اور ان کے عملے کے تین ارکان کو چوبیس گھنٹوں میں ملک چھوڑنے کا حکم دے دیا۔ سعودی وزارتِ خارجہ نے ایران کی جانب سے مملکت اور علاقائی ریاستوں کے خلاف کیے جانے والے حملوں کی ایک بار پھر شدید مذمت کی ہے۔ وزارت کے بیان میں کہا گیا ہے کہ ایران کی جانب سے سعودی عرب کی خودمختاری، سویلین انفراسٹرکچر. سفارتی مشنز اور اقتصادی مفادات کو مسلسل نشانہ بنانا بین الاقوامی قوانین اور اصولوں کی کھلی خلاف ورزی ہے۔ بیان میں مزید کہا گیا کہ یہ حملے بیجنگ معاہدے، اقوام متحدہ کی سلامتی کونسل کی قرارداد. اچھی ہمسائیگی اور ریاستوں کی خودمختاری کے احترام کے اصولوں کی بھی خلاف ورزی ہیں۔
