Raza Musani 
غزہ : صیہونی فوج نے امداد کے منتظر چونتیس افراد سمیت ایک سو نو فلسطینی شہید کردئے۔ جبکہ اسرائیل کی پیدا کردہ غذائی قلت سے مزید دس فلسطینی جان کی بازی ہارگئے۔
اسرائیلی جنگی طیاروں نے النصیرات پناہ گزین کیمپ کے مشرق میں شہریوں کے ایک گروپ پر بمباری کی جس کے نتیجے میں آٹھ فلسطینی شہید اور درجنوں زخمی ہو گئے۔ وسطی غزہ میں فضائی حملے میں پانچ فلسطینی ۔ المواصی میں چار جبکہ جبالیہ میں پانچ فلسطینی شہید ہوئے۔
المواصی میں ایک اور ڈرون حملے میں متعدد افراد شہید اور زخمی ہوئے۔ رفح میں امدادی مرکز کے قریب اسرائیلی فائرنگ سے بائیس فلسطینی شہید اور درجنوں زخمی ہوئے۔ غزہ سٹی میں بھی امدادی مرکز پر فائرنگ سے سات فلسطینی شہید ہوگئے۔
ادھر غذائی قلت سے اموات میں تیزی سے اضافہ ہو رہاہے۔ اسرائیل کی پیدا کردہ غذائی قلت سے مزید دس فلسطینی جان کی بازی ہار گئے.
