Raza Musani 
تل ابیب : اسرائیلی سکیورٹی وزارت نے بتایا ہے کہ غزہ میں نسل کشی کے آغاز کے بعد ایک ہزارواں مغربی فوجی سامان بردار طیارہ اسرائیل میں اترا ہے۔
یہ اسرائیلی فورسز کو غیر معمولی بیرونی مدد کی عکاسی کرتا ہے۔ وزارتِ سکیورٹی کے مطابق 8 اکتوبر 2023 کے بعد سے 120,000 ٹن سے زائد فوجی سازوسامان اسرائیلی فوج تک پہنچایا جا چکا ہے، جسے اہلکاروں نے "قبضے کی تاریخ میں بے مثال” قرار دیا۔ تازہ ترین طیارے کا استقبال ڈائریکٹر جنرل میجر جنرل عامر بارام نے کیا۔ اس دوران امریکہ غزہ میں ہنگامی حالات کے باوجود اسرائیل کو بڑے پیمانے پر فوجی مدد فراہم کر رہا ہے، جبکہ بظاہر امن مذاکرات اور جنگ بندی کے لیے کوششیں بھی جاری ہیں، جس سے مغربی طاقتوں کی فلسطینی عوام کے خلاف کردار نمایاں ہوتا ہے.
