Raza Musani 
مقبوضہ بیت المقدس: َ صیہونی فورسز کی پابندیوں اور رکاوٹوں کے باوجود ایک لاکھ سے زیادہ فلسطینیوں نے مسجد اقصیٰ میں رمضان المبارک کی پہلی نماز جمعہ ادا کی۔ صیہونی فورسز نے مسجد اقصیٰ کے اطراف سخت سیکیورٹی لگائی اور کئی اضافی چیک پوسٹ قائم کئے جہاں فلسطینیوں کے شناخی کارڈ چیک کئے گئے ۔ اور بہت سے لوگوں کو آگے جانے نہیں دیا۔ فلسطینیوں نے بتایا کہ مغربی کنارے کے افراد کو مسجد اقصیٰ میں داخل ہونے سے خاص طور پر روکا گیا۔ اس سے پہلے صیہونی فورسز نے فلسطینیوں پر مختلف پابندیوں کا اعلان کیا تھا ۔ جس کے تحت ہر عمر کی خواتین، 12 سال تک کے بچے اور 55 سال سے زیادہ عمر کے مردوں کو بغیر اجازت مسجد اقصیٰ میں داخل ہونے کی اجازت ہوگی۔ صیہونی پابندیوں اور رکاوٹوں کے پیش نظر بڑی تعداد میں فلسطینی صبح سے ہی مسجد الاقصیٰ پہنچنا شروع ہوگئے تھے۔
