آزاد امیدواروں کی 100 نشستیں، مسلم لیگ ن 71 سیٹوں کیساتھ دوسرے نمبر پر

اسلام آباد : قومی اسمبلی کی 266 نشستوں سے میں سے اب تک 253 کے نتائج سامنے آچکے ہیں۔ قومی اسمبلی کی نشستوں پر آزاد امیدواروں کی سنچری مکمل ہوگئی ہے۔ اور وہ 100 نشستوں کے ساتھ سب سے آگے ہیں۔ پاکستان مسلم لیگ ن 71 نشستوں کے ساتھ دوسرے اور پاکستان پیپلز پارٹی 54 نشستوں کے ساتھ تیسرے نمبر پر ہے۔ ایم کیو ایم پاکستان نے قومی اسمبلی کی سترہ نشستیں حاصل کرلی ہیں۔ پاکستان مسلم لیگ ق اور جمعیت علمائے اسلام نے قومی اسمبلی کی تین ،تین نشستیں حاصل کرلی ہیں۔ استحکام پاکستان پارٹی نے قومی اسمبلی کی دو نشستیں حاصل کرلی ہیں۔
مجلس وحدت مسلمین ایک۔بلوچستان نیشنل پارٹی ایک اور پاکستان مسلم لیگ ضیاء بھی ایک نشست حاصل کرنے میں کامیاب رہی۔اب تک کے نتائج کے مطابق قومی اسمبلی کے گیارہ حلقوں کے نتائج کا تاحال اعلان نہیں کیا گیا ہے۔جبکہ ایک حلقے این اے 8 میں الیکشن منسوخ کردیے گئے تھے۔