غزہ جنگ کے 100 دن، انسانیت داغدار ہو رہی ہے، اقوام متحدہ

غزہ : فلسطینی پناہ گزینوں کے لیے اقوام متحدہ کے ادارے کے سربراہ فیلیپ لازارینی نے کہا کہ گزشتہ سو دنوں کی بڑے پیمانے پر اموات، تباہی، بے گھری اور بھوک مشترکہ انسانیت کو داغدار کر رہی ہے۔ فیلیپ لازارینی نے خبردار کیا کہ غزہ میں بچوں کی پوری نسل صدمے کا شکار ہو رہی ہے۔ بیماریاں پھیل رہی ہیں اور وقت تیزی سے قحط کی طرف بڑھ رہا ہے۔ اسرائیلی محاصرے کی وجہ سے غزہ میں خوراک، پانی، ادویات اور ایندھن کی شدید قلت ہے اور صحت کا نظام تباہ ہو رہا ہے۔ ادھر اقوام متحدہ کے دفتر برائے رابطہ برائے انسانی امور نے جنوبی غزہ میں المواسی پناہ گزین کیمپ میں بے گھر فلسطینیوں کے لیے سنگین حالات بیان کیے ہیں۔ جن میں خیموں کی کمی اور خوراک، پانی اور ادویات کی ناکافی فراہمی شامل ہے۔