Raza Musani 
واشنگٹن : امریکی صدر ڈونلڈ ٹرمپ نے غزہ کو فلسطینیوں سے پاک کرنے کی اشتعال انگیز تجویز دیدی۔ ٹرمپ نے صحافیوں کے ساتھ بات کرتے ہوئے کہا کہ غزہ ملیا میٹ ہوچکا ہے اس کی دوبارہ تعمیر سے پہلے صفائی کرنے کی ضرورت ہے۔ میں چاہتا ہوں اردن اور مصر پندرہ لاکھ فلسطینیوں کو غزہ سے لے جائیں اور اپنی سرزمین پر بسائیں۔ انہوں نے کہاکہ میں چاہتا ہوں عرب ممالک کو شامل کرکے غزہ کے فلسطینیوں کیلئے کسی اور مقام پر مکانات تعمیر کروں۔
اسرائیلی وزیر خزانہ بیزلیل سموٹریچ نے ٹرمپ کی تجویز کا خیرمقدم کرتے ہوئے کہاہے کہ بہتر زندگی شروع کرنے کے لیے دوسری جگہیں تلاش کرنے میں فلسطینیوں کی مدد کرنے کا خیال بہت اچھا ہے۔
