یمن میں سعودی ایجنٹوں کو بھی عام معافی کا اعلان

غاصبین جتنا خون بہالیں ان کاانجام ذلت ورسوائی ہے، فوجی ترجمان
صنعا(نیوزڈیسک) یمن کی نیشنل سالویشن حکومت نے عام معافی کا اعلان کردیا، مسلح افواج کے ترجمان یحیی سریع نے کہا ہے کہ حالیہ برسوں کے دوران جو لوگ سعودی اتحاد کے محاذ پر رہے اور ملت یمن کے خلاف لڑتے رہے وہ بھی اگر چاہیں تو قوم کی آغوش میں واپس آسکتے ہیں، یمن کے اعلی عہدیداروں نے راہ راست پر واپسی پر مائل افراد کے لئے عام معافی کا فرمان جاری کردیا ہے تاکہ یمنیوں کا قتل عام بند ہو جائے، انہوں نے کہا کہ جارح سعودی فوجی اپنی حالیہ شکست اور ناکامیوں کے بعد آخری سانس لے رہے ہیں ، غاصبین اور دشمن کے ایجنٹ چاہے جتنا خون بہا لیں لیکن ان کا انجام زوال و ذلت اور استقامت کے سامنے گھٹنے ٹیکنے کے سوا کچھ نہیں