چین ایران تعاون عالمی بازار کا نقشہ بدل دیگا

 امریکی پابندیوں کا مقابلہ کرنے میں آسانی ہوگی، جاپانی اخبار
 ٹوکیو(نیوز ڈیسک) جاپانی اخبار نے کہا ہے کہ ایران اور چین کے تعاون کا جامع پروگرام توانائی کے عالمی بازار کا نقشہ ہی بدل کر رکھ دے گا، ایران دنیا میں توانائی کا اہم منبع ہے جبکہ چین دنیا کی دوسری سب سے بڑی اقتصادی طاقت ہے، ایرانی تیل کی چین میں سپلائی سے تہران کے خلاف واشنگٹن کی پابندیاں ناکام ہو جائیں گی، چین، آئی ٹی، مواصلات اور ٹیلی کمیونیکیشن سے لے کر بندر گاہوں کی ترقی اور ریلوے نیٹ ورک میں توسیع جیسے شعبوں میں تعاون کر سکتا ہے جس سے ایران کو بہت زیادہ فائدہ پہنچے گا،دونوں ممالک کے درمیان تعاون میں فروغ ہوگا بلکہ امریکی پابندیوں کا مقابلہ کرنے میں آسانی ہوگی، جس سے دنیا میں نیا نظام وجود میں آئےگا