لاہور: شیعہ علماء کونسل کے وفد کی پولیس حکام سے ملاقات

لاہور : شیعہ علماء کونسل پنجاب کے وفد نے لاہور میں پولیس حکام سے ملاقات کی اور محرم الحرام میں امام بارگاہوں کی سیکیورٹی سمیت دیگر امور پر تبادلہ خیال کیا، علامہ سبطین حیدر سبزواری کی زیرقیادت وفد نے ڈی آئی جی آپریشنز ساجد کیانی اور ڈی آئی جی انویسٹی گیشن شارق جمال خان سے ملاقات میں محرم کے دوران سیکیورٹی پر بات چیت کی، مجالس، جلوس، امام بارگاہوں کی سیکیورٹی اور کورونا ایس او پیز پر عملدرآمد پر بھی تبادلہ خیال کیا گیا۔ وفد نے گستاخ آئمہ عبدالرحمن سلفی کی گرفتاری پر پولیس افسران کا شکریہ ادا کیا، پولیس حکام نے وفد کو انتظامی امور میں مکمل تعاون کی یقین دہانی بھی کرائی۔