لانگ مارچ کا دباوَ، سندھ حکومت نے گھٹنے ٹیک دئے

محرم سے چہلم امام حسین اور ایام فاطمیہ کی مجالس پر قائم مقدمات کو فوری واپس لینے کا اعلان، شیڈول فور کے کیسز کے خاتمے کیلئے19فروری کو اجلاس ہوگا
تمام مطالبات کی منظوری اور ، نوٹیفکیشن جاری ہونے پر علامہ ناظر تقوی کا لانگ مارچ کے خاتمے کا اعلان،شرکا نوری آباد سے واپس اپنے شہروں کو لوٹ گئے
کراچی (نیوز ڈیسک) تحفظ عزا لانگ مارچ کے دباوَ پر سندھ حکومت نے گھٹنے ٹیک دئے ،حکومت نے عزاداروں پر قائم تمام مقدامات ختم کرنے کا اعلان ہونے پرلانگ مارچ کو نوری آباد پر ختم کردیا گیا،سکھر سے شیعہ علماکوسنل کے علامہ ناظر تقوی کی زیر قیادت لانگ مارچ کراچی کیلئے روانہ ہوا،شرکا جہاں بھی پہنچے انکا شاندار استقبال کیا گیا، شرکا نے رات شہداد پور میں قیام کیا اور پھر کراچی کیلئے سفر شروع کیا،سیکڑوں کاروں ،موٹرسائیکلوں اور ودسری گاڑیوں میں شرکا رات کوکراچی کے قریب نوری آباد پہنچے،جہاں صوبائی وزیر شبیر خان بجارانی، مشیر وزیراعلیٰ سندھ وقار مہدی اور ممبر سندھ اسمبلی شہلا رضانے علامہ ناظر تقوی، علامہ شبیر میثمی اور دیگر سے تفصیلی مزاکرات کیئے اور ان کے تمام مطالبات کا بغور جائزہ لینے کے بعد باقائدہ اعلان کیا کہ محرم الحرام سے لیکر چہلم امام حسین اور ایام فاطمیہ مجالس پر قائم ہونے والے تمام مقدمات کو فوری واپس لے لیا جائے گا جبکہ شیڈول فور کے کیسز کے خاتمے کیلئے19فروری کو وزیر اعلیٰ سندھ مراد علی شاہ کے ساتھ براہ راست ملاقات طے کرلی گئی ، تمام مطالبات کی منظوری اور ، نوٹیفکیشن جاری ہونے پر شیعہ علماکونسل صوبہ سندھ کے صدر اور لانگ مارچ کےروح رواں علامہ ناظرتقوی نے لانگ مارچ کے خاتمے کا اعلان کردیا