بھارتی قابض فوج کے کشمیریوں پر مظالم جاری ہیں۔ ضلع جموں میں مزید 4 کشمیریوں کو شہید کر دیا، نوجوان جموں سے سری نگر جا رہے تھے۔ ٹرک پر سوار نوجوانوں کو ٹول پلازہ پر شہید کیا گیا۔ دوسری جانب نیویارک میں کشمیر مشن یو ایس اے کے زیراہتمام بھارتی قونصل خانے کے سامنے مظاہرہ کیا گیا۔ مظاہرے میں آزادکشمیر کے جھنڈے اور پوسٹر اٹھائے پاکستانی و کشمیری شہریوں نے شرکت کی۔ مظاہرے کا مقصد کانفرنس کے شرکا کو بھارتی مظالم سے آگاہ کرنا تھا۔ احتجاج بھارتی قونصلیٹ میں امریکی کاروباری شخصیات کو دیئے گئے عشائیہ اور کانفرنس کے موقع پر کیا گیا۔
