غزہ اور شام میں اسرائیلی جنگی طیاروں کے حملے

شامی فوج کے اہداف اور حماس کے ٹھکانوں کو نشانہ بنایا گیا
دمشق/غزہ(نیوز ڈیسک) اسرائیلی لڑاکا طیاروں نے شام اورغزہ میں ایک بارپھر بمباری کی اور اہداف کو نشانہ بنایا،اسرائیلی طیاروں نے شام میں فوجی کنٹرول کے مقامات، انٹیلی جنس معلومات اکٹھا کرنے کے سسٹمز، طیارہ شکن بیٹریز اور عسکری کمان کے اڈوں کو نشانہ بنایا، شمال مشرق میں البوکمال شہر کو بھی میزائلوں کے ذریعے نشانہ بنایا گیا،ادھر صہیونی جنگی طیاروں نے جنوبی غزہ پٹی کے بعض علاقوں پر بمباری کی،اسرائیلی فوج کے ترجمان نے دعوی کیاہے کہ یہ حملے غزہ سے فائر کئے گئے راکٹوں کے جواب میں کئے گئے جبکہ غز ہ سے داغا گیا راکٹ فضا میں تباہ کر دیا،راکٹ چلتے ہی جنوبی اسرائیل کے شہر سدیروت میں فضائی حملے کے حوالے سے سائرن بھی بجائے گئے