Ilyas وزیر اعظم کا ایٹمی پلانٹ کی تعمیرکیلئے کمیٹی کی تشکیل کا حکم
بغداد (نیوز ڈیسک) عراقی وزیر اعظم مصطفی الکاظمی نے ایٹمی پلانٹ کی تعمیرکیلئے کمیٹی کی تشکیل کا حکم دے دیا ،عراقی کمیشن فار کنٹرول آف ریڈیو ایکٹیو کے سربراہ کمال حسین لطیف نے بتایا کہ وزیر اعظم نے حال ہی میں فرانسیسی صدر امانوئیل میکرون سے ملاقات کے بعد اس کمیٹی کی تشکیل کا اعلان کیا ہے ،عراقی وزیر اعظم کا کہنا تھا کہ پرامن مقاصد کے لئے سابق ایٹمی پروگرام کو آگے بڑھانے کی ضرورت ہے کمال حسین لطیف کے مطابق، عراق ایٹمی شعبے میں اپنی جگہ پھر سے بحال کرنے کے لئے آمادہ ہے جس پر اس نے گزشتہ صدی کی 70 ویں دہائی میں کام کیا تھا انہوں نے ایٹمی توانائی کو ایک بہت ہی اہم قومی مسئلہ قرار دیا اور کہا کہ اس سے آنے والی نسلیں فائدہ اٹھا سکتی ہیں ، توانائی کے بحران کو حل کرنے کے لئے ایٹمی توانائی کافی کارگر ثابت ہو سکتی ہے
